Tóbeles jıi bolatyn kóńil kóterý mekemeleriniń jumysyn toqtatý usynyldy

<p>Bas prokýror Berik Asylov otbasyndaǵy zorlyq-zombylyqtyń jáne qoǵamdyq oryndarda quqyq buzýshylyqtyń aldyn alý máseleleri jónindegi úılestirý keńesiniń otyrysynda janjal men qylmys jıi tirkeletin mekemelerdiń jumysyn toqtatýdy usyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Bas prokýror ishimdik tutynýǵa jáne kóńil kóterýge arnalǵan mekemelerdiń jaýapkershiligin arttyrý baǵytynda túbegeıli sharalar qabyldaý qajettigin aıtady.

«Kelýshiler arasynda bolǵan janjal týraly málimdemegen mekemelerdiń ákimshiligine jaýapkershilik engizý kerek. Bul – olardyń áleýmettik mindeti. Ondaı mekemelerde zań jıi buzylsa, jumysyn ýaqytsha toqtatý kerek nemese qyzmetin jaýyp tastaý kerek», – dedi Berik Asylov.

Bas prokýror «Ádiletti Qazaqstandy» zań men tártip ústem bolǵan kezde ǵana qurýǵa bolatynyn atap ótti.

«Kóshedegi mádenıetsizdikten bastap, urlaý, tonaý, adam óltirýge deıingi qylmystardyń barlyq túrine qarsy turý – búgingi zaman talaby.

Ásirese áıelder men balalarǵa qatysty qylmystar halyqtyń narazylyǵyn týǵyzady.

Qazaqstan qoǵamy búgingi turmystyq zorlyq-zombylyqqa qarsy shuǵyl jáne qatań sharalardy qoldanýdy talap etýde.

«El bolam deseń – besigińdi túze» degen tereń maǵynaly sóz bar. Árbir otbasy qoǵamnyń bir bólshegi, shaǵyn memleket», – dedi ol.