TMYK-ty uıymǵa aınaldyrý Túrki álemniń yntymaqtastyǵyna tyń serpin beredi - sarapshy

NUR-SULTAN. QazAqparat – Túrkitildes memleketterdiń yntymaqtastyq keńesiniń beıresmı sammıti nátıjeli boldy. Mundaı pikirdi QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Sanat Kóshkimbaev bildirdi, dep habarlaıdy QazAqparat tilshisi.

«Túrkistan – Túrki álemniń rýhanı astanasy» uranymen onlaın ótken sammıttiń óte nátıjeli bolǵandyǵyn atap ótken oryndy. Bul qabyldanǵan Túrkistan deklaratsııasynda jáne Qazaqstan tarapynyń - uıymnnyń qurmetti tóraǵasy QR Tuńǵysh Prezıdenti Nursultan Nazarbaevtyń bastamalarynda da kórinis tapqan. Atap aıtqanda, «Túrki áleminiń keleshegi-2040» strategııasyn, buǵan qosa, Qazaqstannyń Tuńǵysh Prezıdenti buǵan deıin jarııa etken TMYK-ty tolyqqandy uıymǵa aınaldyrýǵa daıyndyq bastaýǵa rusat berildi. Keńes mártebesin uıymǵa deıin kóterý Túrki álemniń yntymaqtastyǵyna tyń serpin bereri sózsiz», - dedi ol.

Sonymen qatar ol Túrki keńesiniń halyqaralyq qarym-qatynasta, saıasatta jáne ekonomıkada salmaǵy artyp kele jatqandyǵyna basa aýdardy. Ózbekstannyń keńeske tolyqqandy múshe bolýyn joǵary baǵalap, Majarstannyń da osynaý keńistikke barynsha yqpaldasýǵa peıil tanytyp otyrǵandyǵyn aıtty.

«Jıynǵa turaqty túrde qatysyp kele jatqan Túrkistannyń da múshe bolýy yqtıaldyǵyn joqqa shyǵara almaımyz. Bul óte mańyzdy qadamdar», - dedi Sanat Kóshkimbaev.

Onyń atap ótýinshe, keńestiń qurylǵanyna kóp ýaqyt bola qoıǵan joq. Degenmen, ol óziniń ómirsheń uıym ekendigin kórsete bildi.

«2009 jyly QR Tuńǵysh Prezıdenti Nahchyvanda ótken sammıtte keńes qurý týraly bastama jasaǵan boltyn. Al qazir 11 jyl ótkennen keıin Túrki keńesin ınstıtýalızatsııalaý protsesiniń iske qosylǵanyn kórip otyrmyz. Al bul barlyq baǵyttaǵy ózara is-qımyl úshin perspektıvalar men zor áleýet ashady. Bul tek saıasat qana emes, sonymen birge saýda-ekonomıkalyq, mádenı-bilim jáne ǵylymı-tehnıkalyq yntymaqtastyq», - dedi ınstıtýt dırektorynyń orynbasary.