TMU-ǵa múshe elder logıstıkalyq jobalardy birlese damytatyn alıans qurdy
Jańa qurylymdy jasaqtaý jónindegi qujatqa búgin Ózbekstanda qol qoıyldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Alıans Túrki memleketteri uıymyna múshe elder arasynda júk tasymaly men logıstıkalyq ortalyqtardy damytýǵa járdemdesetin bolady. Ony qurý jónindegi qujatqa qol qoıý rásimi barysynda alıanstyń bas hatshysy jáne hatshylyq músheleri taǵaıyndaldy.
«Kóptegen halyqaralyq kólik-logıstıkalyq qurylymdarǵa tán másele – ol tek memlekettik organdar arasyndaǵy yntymaqtastyqpen shektelý. Bul jerde jobalarǵa jeke sektordy tartý nazardan tys qalyp jatady. Sondyqtan osy máselelerdi eskere otyryp, biz atalǵan alıansty quryp otyrmyz. Ol logıstıka salasyndaǵy TMU-ǵa múshe elderdiń memlekettik organdarymen qosa, jeke sektordy da baılanystyratyn kópir bolmaq», - dep alıanstyń qyzmet baǵytyn túsindirdi TMU-nyń jobalyq dırektory Shokırjon Rahmatov.
Sarapshylardyń paıymynsha, alıansty qurý Túrki memleketteri uıymyna múshe elder arasyndaǵy saýda-sattyqty arttyrýǵa yqpal etedi. ıAǵnı, onyń aıasynda kedendik bajdyń baǵasyn tómendetý, júrgizýshilerge beriletin ruqsat blankalaryn elektrondyq formatqa kóshirý jáne tsıfrlyq júıelerdi ıntegratsııalaýǵa basa nazar aýdarylady.
«Biz tsıfrlandyrý protsesin jedeldetý arqyly keden beketterindegi uzyn-sonar keptelis máselesin sheshe alamyz. Sol úshin de alǵashqy qadam jasap jatyrmyz. Kedendik rásimderdi ońtaılandyrý esebinen biz ýaqyt únemdep, paıdany eki eseleýge múmkindik alamyz. Sonyń nátıjesinde TMU aıasyndaǵy saýda-sattyq kólemi artady jáne ony jetkizý quny arzandaıdy», -dep toqtaldy Kólik jáne logıstıkany damytý máselelerin zertteý ortalyǵynyń dırektory Bekzod Holmatov.
Eske salsaq, búginde TMU-ǵa Qazaqstan, Túrkııa, Ázerbaıjan, Qyrǵyzstan jáne Ózbekstan múshe. Sonymen qatar Vengrııa men Túrikmenstan uıymǵa baqylaýshy el mártebesinde.