TMU elderiniń basshylary Astana aktisine qol qoıdy

<p>Astanada ótken Túrki memleketteri uıymynyń H sammıtiniń qorytyndy qujaty &ndash; Astana aktisine qol qoıyldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

Túrki memleketteri uıymynyń H mereıtoılyq sammıtiniń qorytyndysy boıynsha birqatar sheshim qabyldanyp, qujattarǵa qol qoıyldy.

«Túrki memleketteriniń qaýip-qaterlerge qarsy birigýi, ózara kómek kórsetip, tıimdi is-áreket jasaýy óte mańyzdy. Babalarymyz «Tirlik basqa bolsa da – tilek bir, barmaq basqa bolsa da – bilek bir» degen. Bizdiń Túrki yqpaldastyǵyn nyǵaıtý jolyndaǵy ortaq tabysymyz – sonyń aıqyn kórinisi. Sammıttiń qorytyndysy boıynsha birqatar sheshim qabyldanady, qujattarǵa qol qoıylady. Onyń bári Túrki álemin órkendetýge, elderimizdiń yntymaǵyn arttyrýǵa yqpal etedi. Sondaı-aq aımaqtaǵy yqpaldastyqty damytýǵa jáne uıymnyń bedelin kúsheıtýge zor úles qosady dep senemin», - dedi Memleket basshysy.

Eske salaıyq, búgin Astanada Túrki memleketteri uıymynyń H sammıti ótip jatyr.

Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysady.

TMU sammıti «Túrki dáýiri» uranymen ótedi.

Búgin Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótti.

Sharada QR Syrtqy ister mınıstri Murat Nurtileý Izraıl-HAMAS qaqtyǵysyndaǵy Qazaqstan ustanymyn aıtty.