TMRA jylý energııasynyń qunyn qaıta esepteý jumystaryn aıaqtady
Bul týraly TMRA baspasóz qyzmeti habarlady.
Ótken jylytý kezeńinde aýanyń naqty syrtqy temperatýrasy neǵurlym joǵary bolýy nátıjesinde jylý energııasyn esepteý aspaptary joq tutynýshylarǵa respýblıkanyń 14 óńirinde 907,3 mln teńgeden asatyn somada qaıta esepteý júrgizildi. Bul rette búgingi kúni ótken jylytý kezeńinde berilgen shottardy túzetý arqyly tutynýshylarǵa shamamen 695 mln.teńge qaıtaryldy.
Sóıtip júrgizilgen qaıta esepteýge sáıkes Astana qalasynda turmystyq tutynýshylarǵa 305,465 mln. teńge somasynda aqshalaı qarajat qaıtarylýǵa tıis; Almaty qalasynda 15,725 mln. teńge somasynda; Almaty oblysynda 15,557 mln. teńge somasynda; Aqmola oblysynda 22,263 mln. teńge somasynda; Atyraý oblysynda 8,887 mln. teńge somasynda; Aqtóbe oblysynda 6,041 mln. teńge somasynda; Jambyl oblysynda 2,015 mln. teńge somasynda; Batys Qazaqstan oblysynda 386 myń teńge somasynda; Qaraǵandy oblysynda 137,308 mln. teńge somasynda; Qostanaı oblysynda 75,304 mln. teńge somasynda; Soltústik Qazaqstan oblysynda 3,806 mln. teńge somasynda; Pavlodar oblysynda 105,433 mln. teńge somasynda qarajat qaıtarylady.
Ońtústik Qazaqstan jáne Qyzylorda oblystarynda jylytý úshin alynǵan tólemaqyǵa qaraǵanda, neǵurlym sýyq klımat jaǵdaılary boldy. Mysaly, 2011-2012 jj. jylytý kezeńinde meteorologııalyq qyzmetterdiń derekteri boıynsha Shymkent qalasynda aýanyń ortasha syrtqy temperatýrasy QR qurylys normalarynda kózdelgen 1,4°S jylylyqqa qaraǵanda, 0,77°S sýyq boldy. Osyǵan baılanysty qarajat qaıta eseptelinip qaıtarylmaıdy.
Tutynýshylarǵa jylytylatyn alańnyń 1 sharshy metri úshin qaıtarý somasy 0,24-ten 63,85 teńge/m2 deıin ózgeriledi. Bul rette alańy 80 sharshy metr 3 bólmeli páter úshin qaıtarylatyn aqshalaı qarajat somasy 18,8 teńgeden 5108 teńgege deıin quraıdy.