TMRA monopolısterdiń ótinishteri men usynystaryn elektrondy jolmen qaraýǵa kóshýdi josparlap otyr
Bul týraly búgin Tabıǵı monopolııalardy retteý agenttigi men onyń aımaqtaǵy qurylymdarynda sybaılas jemqorlyqpen kúres máselelerine arnalǵan májiliste atalmysh vedomstvonyń basshysy Murat Ospanov málim etti.
«Biz búgin agenttik tarapynan beriletin lıtsenzııalardyń barlyǵyn elektrondy jolmen beretin boldyq. Sonymen qatar biz azamattardyń ótinishterin qaraýda adammen qarym-qatynastyń bolmaýyn barynsha jetildirdik. Bul baǵyttaǵy jumystardy biz endi elimizdiń aımaqtaǵy organdarynda da júzege asyrylýyna kúsh salyp jatyrmyz. Sondyqtan ótinishter qaraý sharasy birte-birte elektrondy tásilge kóshedi. Alaıda buǵan áli ýaqyt qajet»,-dedi vedomstvo basshysy.
Onyń sózinshe, Tabıǵı monopolııalardy retteý agenttigi memlekettik organdardyń ishinde alǵashqylardyń biri bolyp, memlekettik qyzmetterdi elektrondy jolmen kórsete bastady. «Sonymen qatar kóptegen ruqsat berýshi qujattardy da biz elektrondy jolmen berip otyrmyz»,-dedi M.Ospanov.