TMD jastar parlamentaralyq assambleıasy uıymnyń úzdik emblemasyna baıqaý jarııalady
Baıqaýǵa Táýelsiz Memleketter Dostastyǵy elderiniń kez kelgen turǵyny qatysa alady. Ol jeke nemese zańdy tulǵa, sondaı-aq, avtorlyq ujym bolýy múmkin.
«Saıysty uıymdastyrýshylar TMD-ǵa múshe memleketterdiń jastar parlamentaralyq assambleıasynyń ıdeıasyn beretin aıqyn, yqshamdy jáne túsinikti beıneleý-grafıkalyq obrazdaryn kútedi. TMD JPA-nyń emblemasy sabaqtastyqty saqtap, Táýelsiz Memleketter Dostastyǵynyń resmı sımvolıkasymen úılesýi kerek», - dep habarlady TMD JPA-nyń baspasóz qyzmetinen.
Baıqaýǵa qatysý úshin konkurs@iacis.ru elektrondy meken-jaıy boıynsha TMD JPA Keńesiniń hatshylyǵyna hat jiberý kerek.
Eske sala keteıik, TMD JPA Keńesiniń sheshimimen 2010 jyldyń 22 qarashasynan Táýelsiz Memleketter Dostastyǵyna múshe elderdiń jastar parlamentaralyq assambleıasy quryldy.