TMD startaptary Astana Hub akseleratsııalaý baǵdarlamasyna qatysýda
Astana Hub akseleratory - bul startaptardy belsendi damytýdyń 3 aılyq tegin baǵdarlamasy. Akseleratsııalaý kómegimen komandalar klıentterge, áriptesterge jáne ınvestorlarǵa arnalǵan paıdaly jáne aýqymdy bıznes qurady. Qatysýshylar EKSPO aýmaǵynda tegin jumys keńistigin, startap dıagnostıkasyn, bıznes-protsesterdi baptaýdy, ınvestıtsııalardy jáne jobany damýyn jedeldetýdi alady.
Іrikteýden ótkenderdiń tiziminde Qazaqstannan 11 startap bar, qalǵandary Tájikstan, Ózbekstan jáne Reseı komandalary.
Astana Hub akseleratsııalaý baǵdarlamasynyń ekinshi legine irikteýden ótken jobalar:
- Bot Service (Tájikstan) - Viber jáne Telegram messendjerlarynda botty jasaýǵa arnalǵan konstrýktor;
- HalalGuide (Reseı) - Musylmandarǵa arnalǵan jobalardyń ekojúıesi: meshitterdi, halal dámhanalardy jáne dúkenderdi izdeý, ımamǵa suraq qoıý, áleýmettik jobalarǵa qurbandyq shalý;
- MasDent - stomatologtardyń problemalaryn sheshýge arnalǵan baǵdarlama;
- Brandless - aýyz sýǵa jazylý qyzmeti;
- Meniń esebim.kz - jeńildetilgen deklaratsııa negizinde arnaıy salyqtyq rejımdi paıdalanatyn kásipkerler úshin servıs;
- Asper - kólikpen baılanysty qyzmetterdi alýǵa arnalǵan mobıldik qosymsha: kólik bólshekteri, avtoservıster, kólik jýý;
- Workis (Ózbekstan) - messendjerlarda, Facebook messenger, telegram jáne basqalarda jumys jáne personaldar izdeý servısi;
- STOgramm - TQB, avtokólik bólshekteri, kólik jýý, JQE aıyppuldaryn, kólik qujattamalaryn jáne avtoservıs salasyndaǵy basqa da qyzmetterdiń biryńǵaı ortalyqtandyrylǵan júıesi;
- Printani.kz - servıs fotosýretterdi «osy jerde jáne qazir» basyp shyǵarý úshin telefonnan nemese kompıýterden jiberýge, sondaı-aq fotosýretterdi alýǵa yńǵaıly nemese úıge jetkizip beretin fotosalondardy tańdaýǵa múmkindik beredi;
- 1T - Qazaqstan, Reseı jáne Qyrǵyzstannyń barlyq satyp alý protsesterin shoǵyrlandyrý;
- Senim QR-kodty aqyldy ámııan: keshbek, chat, syılyq sertıfıkattary, qysqamerzimdi onlaın qaryzdar, tamaqtar jáne azyq-túlik jetkizý, JMB-de janar-maı quıý;
- IMFIS - yqpaldastyrylǵan medıtsınalyq qarjylyq aqparattyq júıe;
- Meniń júktiligim - júkti áıelderdiń bosanǵanǵa deıingi qashyqtyq patronajy;
- Tink - Chat bot platformasy ornatylǵan bızneske arnaıy ázirlengen zamanaýı messendjer.
Astana Hub komandalarǵa damý úshin trekıng, bilim jáne konsaltıng, qoǵamdastyq jáne netvorkıng, startaptar aýktsıony, PR sııaqty quraldardy, sondaı-aq memlekettik organdar men korporatsııalarmen baılanys usynady
Aıta keteıik, aǵymdaǵy jyldyń aqpan aıynda Astana Hub tehnoparki bazasynda #garage akseleratsııalaý baǵdarlamasynyń birinshi legi iske qosyldy. Baǵdarlama qorytyndylary boıynsha akseleratsııadan 10 qazaqstandyq IT-startap túlep shyqty. Olar baǵdarlamanyń úsh aıy ishinde 28 mln teńge kóleminde alǵashqy ınvestıtsııalardy tartty, satýlaryn arttyrdy jáne ózderiniń bıznes-modelderin damýdyń jańa deńgeıine shyǵardy.