TMD SІM basshylary Palestına-Izraıl qaqtyǵysyna qatysty málimdeme jasady

<p>TMD elderine múshe memleketterdiń Syrtqy ister mınıstrleri Palestına-Izraıl qaqtyǵysyna qatysty málimdeme jasady. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://kabar.kg/news/zaiavlenie-glav-mid-gosudarstv-uchastnikov-sng-v-sviazi-s-situatciei-v-zone-palestino-izrail-skogo-konflikta/" target="_blank" rel="noopener">Kabar agenttigine</a> silteme jasap habarlaıdy.&nbsp;</p>

Qazaqstan, Armenııa, Belarýs, Qyrǵyzstan, Reseı, Tájikstan men Ózbekstan Respýblıkalarynyń Syrtqy ister mınıstrlikteri Palestına-Izraıl aımaǵyndaǵy qaqtyǵystyń tez ýshyǵyp, áskerı is-qımyldyń kúsheıýi, eki taraptan kóptegen beıbit turǵynnyń qaza bolýyna alańdaýshylyq bildirdi.

SІM basshylary ekstremızm, terrorızm, tutqynǵa alý jáne beıbit turǵyndarǵa qatysty basqa da kúsh kórsetý amaldaryn synǵa aldy.

Gaza sektory gýmanıtarlyq apat aldynda turǵanyn eskertti. Mınıstrler halyqaralyq gýmanıtarlyq quqyq normalaryna saı áreket etip, muqtaj jandardyń bárine azyq-túlik, otyn men medıtsınalyq kómek quraldaryn jetkizýge atsalysý qajettigine basa nazar aýdardy.

Syrtqysaıasat vedomstvolarynyń basshylary taraptardy dereý soǵys qımyldaryn toqtatýǵa, oq atýdy toqtatý jóninde turaqty rejımdi qamtamasyz etip, beıbit turǵyndar úshin gýmanıtarlyq dáliz ashýǵa shaqyrdy.

Sondaı-aq Taıaý Shyǵysta jalpyǵa ortaq, ádil jáne berik beıbitshilikti ornatý úshin halyqaralyq-quqyqtyq negiz, onyń ishinde Birikken Ulttar Uıymy men Arab beıbitshilik bastamasynyń sheshimderin negizge alyp halyqaralyq jáne óńirlik dıplomatııalardyń kúsh biriktirýi mańyzdy ekeni atap ótildi.