TMD sammıti qarsańynda Bishkektegi shyrshalar jasyl «syrmen» boıaldy
01:22, 27 Tamyz 2016
ASTANA. QazAqparat - 16 qyrkúıekte Bishkek qalasynda TMD prezıdentteriniń sammıti bastalady, sodan keıin Túrki tildes elderdiń yntymaqtastyq keńesi ótedi.
Jergilikti bılik is-sharalarǵa daıyndalyp jatyr, olar Bishkekti ádemi jaǵynan kórsetpekshi. Alaıda olardyń áreketi turǵyndardy tańdandyrdy, dep habarlaıdy currenttime.tv.
Sammıtke qatysýshylar barýy múmkin Ata beıit memorıaldyq kesheniniń aınalasyndaǵy shyrshalar bir túnde jasyl túske boıalyp shyǵa kelgen. Bir qyzyǵy aǵashtardyń jolǵa qaraǵan beti ǵana jap-jasyl bolsa, qarsy beti surǵyl-qońyr kúıinde qalyp qoıǵan.
Jergilikti jumysshylardyń aıtýynsha, aǵashtardy spreıi bar adam boıap shyqqan, ol spreı boıaýdy ósimdlikke arnalǵan dárýmen men tyńaıtqysh dep sendirgen.