TMD Sammıti 2019 jyly Ashhabadta ótedi

ASTANA. QazAqparat - TMD Memleket basshylary keńesiniń otyrysy Túrikmenstannyń tóraǵalyq etýimen 2019 jyldyń qazan aıynda Ashhabad qalasynda ótedi. Bul týraly TMD Atqarý komıtetiniń basshysy Sergeı Lebedev Mınskidegi TMD turaqty ókilderi otyrysy qarsańynda málim etti, dep habarlaıdy QazAqparat TASS agenttigine silteme jasap.  

TMD tóraǵalyǵy 2019 jyly Tájikstannan Túrikmenstanǵa ótedi.

«Túrikmenstan keler jylǵy TMD tóraǵalyǵyna barynsha daıyndalyp jatyr. Onyń aıasynda Túrikmenstanda kóptegen sharalar ótkizilmek. TMD Memleket basshylary keńesiniń otyrysy 2019 jyly Ashhabadta ótedi, al úkimet basshylarynyń otyrysyn keler jyly mamyrda Túrikmenstanda ótkizý josparlanyp otyr», - dedi Sergeı Lebedev.

Onyń aıtýynsha, budan tys, TMD Syrtqy ister mınıstrleriniń keńesin, taǵy basqa da sharalardy ótkizý josparlanǵan.

Lebedev seısenbi kúni Túrikmenstannyń TMD-ǵa tóraǵalyq etý kontseptsııasynyń jobasy tanystyrylatynyn jetkizdi.

«Turaqty jáne ýákiletti ókilder keler jyly Túrikmenstanda ótedi dep josparlanyp otyrǵan sharalardy maquldaıdy dep senemin», - dedi Lebedev.