TMD pedagogteri Qazaqstan astanasynda bas qosady
Qazan aıynyń 4-6 aralyǵynda Astanada «Jańa naqty jaǵdaıda Táýelsiz memleketter dostastyǵyn qurý jáne pandemııadan keıingi kezeńdegi bilim berý úderisiniń transformatsııasy» taqyrybynda muǵalimder men basqa da bilim berý qyzmetkerleriniń VII sezi ótedi.
Muǵalimder sezi TMD bilim mınıstrleri konferentsııasynyń sheshimimen eki jylda bir ret ótkiziletinin eske sala keteıik.
2010 jyly TMD-ǵa múshe memleketterdiń muǵalimderi men bilim berý qyzmetkerleriniń birinshi sezi Qazaqstanda ótken bolatyn.
«Qazirgi ýaqytta ártúrli elder muǵalimderiniń ortaqtastyǵy men birligi - bilim berý salasynda memleketter arasyndaǵy turaqtylyq pen yntymaqtastyqty nyǵaıtýdyń kepili. TMD elderiniń bilim berý salasyndaǵy yntymaqtastyq keńesi VII sezdi Qazaqstanda ótkizý týraly sheshim qabyldady. Ártúrli baǵyt boıynsha barlyǵy 9 taqyryptyq sektsııa uıymdastyrylady: bilim berý mazmuny, baǵalaý, jalpyadamzattyq qundylyqtar, muǵalimderdi damytý, qosymsha bilim berý, tsıfrlyq transformatsııa, balalardyń ál-aýqaty, ınklıýzıvtilik jáne kásiptik-tehnıkalyq bilim. Tsıfrlandyrý dáýirindegi oqý saýattylyǵy men ata-analarmen ózara árekettesý máseleleri de talqylanady», - dedi Orta bilim komıtetiniń tóraǵasy Gúlmıra Kárimova.
Sezd aıasynda ІІ Pedagogıkalyq sheberlik festıvaliniń qorytyndy kezeńi ótip, baıqaýdyń fınalısteri, ıaǵnı TMD elderiniń muǵalimderi bizdiń elge keledi. Olar saıys sabaqtaryn kórsetedi. Muǵalimderge arnalǵan sheberlik sabaqtary úsh nomınatsııa boıynsha ótedi: muǵalim, tárbıeshi jáne psıholog/áleýmettik pedagog.
Sonymen birge sezde mektepke deıingi jáne orta bilim berý, sondaı-aq oqý-ádistemelik keshen salasyndaǵy tsıfrlyq jáne baspa ónimderiniń kórmesi uıymdastyrylady. Qazaqstandyq kásipkerler men startaptar oqý oryndarynda sabaq berý men oqýdy tıimdi uıymdastyratyn ІT-jobalaryn tanystyrady.