TMD Parlamentaralyq Assambleıasynyń qurylǵanyna 30 jyl toldy

ALMATY. QazAqparat - 29 naýryz tańerteń Almatyda TMD Parlamentaralyq Assambleıasynyń 30 jyldyǵyna arnalǵan TMD PAA keńesiniń saltanatty otyrysy ótedi, dep habarlaıdy QazAqparat tilshisi.

Bul týraly «TMD parlamentteri» telegram arnasy málim etti.

«Saltanatty shara tarıhı jerde ótedi. Sebebi, 1992 jylǵy 27 naýryzda dál osy Almatyda Armenııa, Belarýs, Qazaqstan, Qyrǵyzstan, Reseı, Tájikstan jáne Ózbekstan parlamentteriniń tóraǵalary TMD Parlamentaralyq Assambleıasyn qurý týraly kelisimge qol qoıdy. Keıinirek olarǵa Ázerbaıjan men Moldova parlamentshileri qosyldy», - delingen telegram arnadaǵy habarlamada.

Saltanatty otyrysqa spıkerler bastaǵan TMD PAA qatysýshy elderdiń parlamenttik delegatsııalary qatysady.

Jıyndy halyqaralyq uıymnyń Youtube arnasynan tikeleı efırde tamashalaýǵa bolady.