TMD Parlamentaralyq assambleıasyna taǵy bir memleket qosylýy múmkin

ASTANA. QazAqparat - TMD Parlamentaralyq assambleıasynyń quramyna bıyl nemese kelesi jyly taǵy bir memleket qosylýy yqtımal. Bul týraly TASS agenttigine bergen suhbatynda Peterbýrgtegi halyqaralyq ekonomıkalyq forýmǵa (HEF) qatysyp jatqan TMD PA bas hatshysy ıÝrıı Osıpov málim etti, dep habarlaıdy QazAqparat tilshisi.

«Dál qazir bizge jańa múshelerdiń qosylýyna jaqsy múmkindik bar. Men qandaı memleketter týraly sóz bolyp jatqanyn aıtqym kelmeıdi. Sebebi, áli erte. Biraq qazirgi ýaqytta biz aıtarlyqtaı salmaqty kelissózderdi júrgizip, ózara qujattardy almasyp, máseleniń mánisin tereń zerttep jatyrmyz. Óıtkeni, memleket tarapynan jarna kerek. Meniń oıymsha, bıyl bolmaǵan jaǵdaıda kelesi jyly TMD-ǵa taǵy bir memleket múshe bolyp kirip qalýy kerek», - dedi ol.

Másele Dostastyq uıymyna ma, joq parlamentke qatysty bolyp otyr ma, degen saýalǵa Osıpov - «TMD Parlamenttik assambleıasyna» dep jaýap berdi.

Aıta ketsek, Parlamentaralyq assambleıa - Dostastyq uıymyna múshe elderdiń ulttyq parlamenti úshin usynys ázirleıtin memleketaralyq organ. Oǵan Ázerbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan men Ýkraına elderiniń parlamentteriniń músheleri enedi.

Atalǵan elderden bólek TMD-ǵa sonymen qatar Ózbekstan men Túrikmenstan, al baqylaýshy quqyǵynda Aýǵanstan men Mońǵolııa enedi.