TMD mıssııasyna saılaý protsesi barysyna qatysty shaǵymdar men eskertýler túsken joq
«Saılaý naýqanyna monıtorıng júrgizý úshin qajetti barlyq jaǵdaı jasalǵan. Daýys berý kúninde biz saılaý ýchaskeleri óz jumystaryn bastamaı turǵan kezde erte baryp, daýys berýge arnalǵan jáshikterdi ornalastyrý sátin baqyladyq. 20-ǵa jýyq saılaý ýchaskesinde bolsaq, sonyń barlyǵynda da daıyndyq jumystary tyńǵylyqty júrgizilgen», - dedi ol.
Sonymen qatar ol daýys berý barysynda Qazaqstan azamattary barynsha belsendilik tanytqandyǵyn aıryqsha atap ótti.
«Ýchaskelik saılaý komıssııalarynyń jumystary Qazaqstannyń saılaý zańnamasy talaptaryna sáıkes júrgizildi. Biz baryp kórgen saılaý ýchaskeleriniń barlyǵynda da saıası partııalardyń, qoǵamdyq birlestikterdiń jáne úkimettik emes uıymdardyń ókilderi boldy. TMD mıssııasyna saılaý protsesi barysyna qatysty shaǵymdar men eskertýler túsken joq», - dedi M.Azızova.
Esterińizge sala keteıik, keshe elimizde QR Parlamenti Májilisi men barlyq deńgeıdegi máslıhat depýtattarynyń saılaýy ótti. QR OSK derekterine sáıkes, oblystyq, Astana jáne Almaty qalalarynyń saılaý komıssııalarynan kelip túsken habarlar boıynsha tizimge engizilgen 9 mln. 810 myń 920 saılaýshynyń 7 mln. 564 myń 281-i saılaý bıýlletenderin aldy. Aldyn ala aqparatqa sáıkes, respýblıka boıynsha tizimge engizilgen barlyq saılaýshylardyń 77,1 paıyzy daýys berýge qatysty. Ótken saılaýlardyń derekterimen salystyrǵanda, bul - rekordtyq kórsetkish.