TMD mıssııasy Bas prokýratýradan saılaý zańnamasynyń buzylýymen baılanysty shaǵymdardyń qaralý nátıjeleri týraly aqparat berýdi ótindi
«Mıssııa qyzmeti saılaýdy uıymdastyrý jáne ótkizý salasyndaǵy halyqaralyq quqyq normalarynyń erejelerine, saılaý protsesine, memlekettiń ishki isterine aralaspaý ustanymyna negizdeledi. Baıqaýshylar óz jumystarynda Dostastyq aıasynda parlamenttik jáne prezıdenttik saılaý protsesterin reglamentteıtin qujattardy basshylyqqa alady», - dedi ol.
Sonymen qatar sheteldik baıqaýshy saılaý ýchaskelerine kedergisiz kirý, saılaý komıssııalarynyń múshelerimen, saıası partııalardyń, jergilikti atqarýshy bılik ókilderimen erkin áńgimelesý quqyǵy berilip otyrǵandyǵyn basa aıtty.
«Barlyq saılaý ýchaskeleri tehnıkalyq turǵyda saqadaı-saı. Barlyǵy da quqyqtyq anyqtamalyq materıaldarymen qamtamasyz etilgen», - dep qosty mıssııa jetekshisi.
E.Sloboda elimizde ótetin saılaý naýqanyna júrgizilgen monıtorıng qorytyndysy saılaýdan keıin jarııa etiletindigin atap ótti.
«Mıssııa shtaby Ortalyq saılaý komıssııasyna, Joǵarǵy sotqa, Bas prokýratýra men Іshki ister mınıstrligine saılaý zańnamasynyń buzylýymen baılanysty shaǵymdardyń, aryzdardyń jáne ótinishterdiń qaralý nátıjeleri týraly aqparat berýdi ótindi», - dep qosty ol.