TMD memleket basshylary Dýshanbede bas qosady
10:57, 23 Mamyr 2018
ASTANA. QazAqparat - Mınskide Táýelsiz Memleketter Dostastyǵy Atqarý komıtetinde TMD-ǵa qatysýshy memleketterdiń Dostastyqtyń jarǵy jáne basqa organdary janyndaǵy Turaqty ýákiletti ókilderi keńesiniń otyrysy ótti, dep habarlaıdy «QazAqparat» HAA TMD Ataqarý komıtetiniń baspasóz qyzmetine silteme jasap.
Turaqty ókilder Dýshanbede 27 qyrkúıekte ótetin TMD Syrtqy ister mınıstrleri keńesiniń jáne 28 qyrkúıekke josparlanǵan TMD Memleket basshylary keńesiniń otyrystary kún tártibiniń jobalaryna bildirilgen usynystardy talqylady.
«Syrtqy ister mınıstrleri keńesiniń otyrysynda on eki, Memleket basshylary keńesiniń otyrysynda on bes máseleni talqylaý usynylyp otyr. Atap aıtqanda, aldaǵy sammıttiń kún tártibine Ǵarysh keńistigin zertteý jáne beıbit maqsattarǵa paıdalaný salasyndaǵy yntymaqtastyq týraly konventsııanyń jobasyn engizý de usynyldy», - dep málimdedi baspasóz qyzmeti.
TMD elderiniń turaqty ókilderi ózderiniń kelesi otyrysy ótetin kún men onda qaralatyn máselelerdi kelisti. Ol 18 maýsymda Mınskide ótedi.