TMD ІІM basshylary pandemııa jaǵdaıyndaǵy qylmysqa qarsy is-qımyldy talqylady
Onlaın-kezdesýge Ázerbaıjan, Belarýs, Qazaqstan, Qyrǵyzstan, Moldova, Reseı, Tájikstan, Túrikmenstan, Ózbekstan ishki ister mınıstrlikteriniń jáne Armenııa polıtsııasynyń, sondaı-aq, TMD Atqarýshy komıtetiniń, TMD-daǵy uıymdasqan qylmysqa jáne qylmystyń ózge de qaýipti túrlerine qarsy kúresti úılestirý bıýrosynyń jáne TMD-daǵy Terrorızmge qarsy ortalyǵynyń delegatsııalary qatysty.
Polıtsııa vedomstvolarynyń basshylary qylmysqa qarsy kúrestegi yntymaqtastyqtyń basym máselelerin qarady. Sondaı-aq, qatysýshylar COVID-19 pandemııasy jaǵdaıyndaǵy qylmysqa qarsy is-qımyldy, jedel aqparat almasýdy jáne qylmystardy ashý jáne tergeý tájirıbesin, esirtki bıznesine qarsy kúrestegi ózara is-qımyldy kúsheıtýdi, blokcheın-tehnologııalar men krıptovalıýtalardy paıdalana otyryp jasalatyn qylmystardyń aldyn alýdaǵy yntymaqtastyqty jáne taǵy basqa máselelerdi talqylady. Qazaqstandyq taraptyń bastamasy boıynsha Mınıstrler Keńesiniń kún tártibine avtokólik urlyǵy jáne ınternet-alaıaqtyqqa qarsy kúres máseleleri engizildi.
Erlan Turǵymbaev TMD elderi ІІM-niń derekter bazasyndaǵy málimettermen ózara almasý Dostastyqqa qatysýshy elderdiń aýmaǵynda qoldy bolǵan kólik quraldaryn aıdap ketý, urlaý jáne ótkizý joldaryn tıimdi ashýǵa múmkindik beretinin atap ótti. Qazaqstan ІІM basshysy otyrysqa qatysýshylardy aqparattyq tehnologııalardy paıdalana otyryp jasalǵan qylmystardy ashýda ózara is-qımyldy jandandyrýǵa shaqyryp, ınternet-alaıaqtyqtyń shekarasy joq jáne azamattarǵa eleýli zalal keltiretinin basa aıtty. Osyǵan baılanysty, polıtsııa vedomstvolary arasynda kúsh-jigerdi shoǵyrlandyrý jáne tájirıbe almasý talap etiledi, dep málimdedi Erlan Turǵymbaev.
Sonymen qatar, mınıstr óz sózinde Qazaqstannyń ІІM qylmysqa qarsy kúres máseleleri boıynsha TMD memleketaralyq baǵdarlamalarynda kózdelgen is-sharalardy tıimdi oryndaıtynyn atap ótti.
Erlan Turǵymbaev izdestirý jumystary, zańsyz kóshi-qon, ekstremızm men terrorızmge qarsy kúres, esirtki bıznesine qarsy is-qımyl salasyndaǵy belsendi yntymaqtastyqty atap ótip, áriptesterin qazaqstandyq polıtsııany reformalaý barysymen tanystyrdy. Otyrys qorytyndysy boıynsha TMD-ǵa qatysýshy memleketterdiń qylmysqa qarsy kúres salasyndaǵy halyqaralyq ózara is-qımylyn nyǵaıtý jóninde birlesken sheshimder qabyldandy.