TMD-ǵa teń tóraǵalyq etýshi elderdiń Syrtqy ister mınıstrleri Qarabaq daýynyń shıelenisýine baılanysty málimdeme qabyldady

MÁSKEÝ. QazAqparat - Táýelsiz Memleketter Dostastyǵynda Taýly Qarabaq janjaly aımaǵyndaǵy kıkiljiń saldarynan adamdardyń, sonyń ishinde beıbit turǵyndardyń ólimine ákelip soqqan qarýly qaqtyǵystar týraly aqparattardy erekshe alańdaýshylyqpen qabyldap otyr.

Bul týraly Táýelsiz Memleketter Dostastyǵyna qatysýshy memleketterdiń Syrtqy ister mınıstrleriniń málimdemesinde aıtylǵan. Juma kúni Reseı astanasynda TMD Syrtqy ister mınıstrleri keńesiniń otyrysy ótip jatyr.

«Janjal taraptaryn soǵys is-qımyldaryn toqtatý rejımin saqtap, adamdar ólimin boldyrmaý maqsatynda ustamdylyq tanytýǵa shaqyramyz. Jaǵdaıdy turaqtandyrý jáne EQYU Mınsk tobynyń teń tóraǵalary anyqtaǵan qaǵıdattardyń negizinde janjaldy beıbit túrde retteý boıynsha bolýy múmkin barlyq sharalardy tezirek qoldaný qajet», - delingen málimdemede.