TMD-ǵa múshe elder arasynda Halyqaralyq mektep sporty festıvali ótedi

NUR-SULTAN. QazAqparat – Bıylǵy 15-20 qarasha kúnderi Ýfa qalasynda (Reseı) TMD-ǵa múshe elder arasynda ІH Halyqaralyq mektep sporty festıvali ótedi. QazAqparat bul týraly TMD Parlamentaralyq assambleıasy Keńesi hatshylyǵynyń baspasóz qyzmetine silteme jasap habarlaıdy.

Festıvalge Qazaqstan, Ázerbaıjan, Armenııa, Belarýs, Qyrǵyzstan, Moldova, Reseı, Tájikstan, Túrikmenstan jáne Ózbekstan elderinen qurama komandalar tobynda 400-den astam adam qatysatyny kútilýde.

Іs-shara sheńberinde dástúrli túrde shaǵyn fýtboldan, voleıboldan, 3h3 basketboldan, ústel tennısinen, badmıntonnan, shahmattan jarystar ótedi. Qatysýshylar úshin sondaı-aq aýqymdy mádenı bilim berý baǵdarlamasy ázirlengen: ekskýrsııalar, Bashqurtstan halqynyń mádenıetimen jáne dástúrimen tanysý, tanymal sportshylardan sheberlik sabaqtar, kıno kórý jáne bı keshteri.

TMD-ǵa múshe elder arasynda Halyqaralyq mektep sporty festıvalin ótkizip turý bastamasyn 2012 jyly Búkilreseılik mektep sporty federatsııasy kótergen. 2013 jyldan beri is-shara RF-niń túrli óńirlerinde uıymdastyrylyp keledi.