TMD elderiniń Jeńis estafetasy Altaı ólkesine jetti

ASTANA. Sáýirdiń 19-y. QazAqparat - Uly Jeńistiń 65 jyldyǵyna arnalǵan TMD elderiniń Jeńis estafetasy búgin Altaı Respýblıkasynan Altaı ólkesine keledi, dep habarlaıdy «Maıak» radıosy. Estafetanyń basty sımvoly - 45 santımetrli oqtumsyqtyń gılzasy,

Taýly Altaıda ólkelik shekara basqarmasynyń qyzmetkerleriniń qolyna tabys etiledi. Altaı ólkesiniń ortalyǵy -Barnaýlǵa Estafeta seısenbi kúni jetedi. Bul kúni Barnaýlda Barnaýyl Shekara otrıady shekarashylarynyń, áskerı-patrıottyq klýbtardyń kýrsanttarynyń, kazaktar men kadetterdiń qatysýymen saltanatty jınalys ótedi.

Quramyna 20 adam kirgen estafetalyq top odan keıin Qazaqstanmen shekaralas Zmeınogorsk qalasyna attanady. Altaı ólkesinen keıin Jeńis estafetasy Qazaqstan, Qyrǵyzstan jáne Tájikstan elderine attanady.

Jeńis estafetasy TMD Memleket basshylary keńesiniń sheshimimen Dostastyq elderiniń shekaralarynyń boıymen ótedi. Patrıottyq aktsııa aqpannyń 2-sinde TMD-nyń batys shekarasynda - Belarýs eliniń Grodno qalasy men Reseıdiń Mýrmansk qalasynda bastalǵan bolatyn. Estafeta eki baǵyt boıynsha ótýde, birinshisi - Belarýs, Ýkraına, Moldova, Reseı, Armenııa arqyly, ekinshisi - Reseı, Qazaqstan, Qyrǵyzstan, Ózbekstan, Túrikmenstan jáne Ázirbaıjan elderiniń shekaralary arqyly.