TMD elderiniń sportshylary ulttyq sport túrlerinen synǵa túsedi

ASTANA. QazAqparat - Senbi kúni RF-nyń Ýlıanovsk oblysynda TMD elderi Ulttyq sport túrleriniń birinshi halyqaralyq festıvali bastalady. Oǵan 10 eldiń 350 sportshysy qatysady, dep habarlaıdy QazAqparat TASS agenttigine silteme jasap.

Úsh kúngi jarystar aıasynda medaldardyń 90 jıyntyǵy sarapqa salynatyn bolady. Qatysýshylar sporttyń 10 túrinen synǵa túsedi - arqan tartý, sambo, belbeý kúresi, gir tasyn kóterý, sadaqpen oq atý, dopty hokkeı, mas-restlıng, doıby, gorodkı sporty jáne lapta.

Ol 16 tamyzǵa deıin jalǵasatyn festıval TMD-ǵa qatysýshy 10 memlekettiń komandalaryn qabyldaıdy: Qazaqstan, Reseı, Belarýs, Armenııa, Qyrǵyzstan, Moldova, Túrkimenstan, Tájikstan, Ózbekstan jáne Ázerbaıjan. Qazaqstan sporttyń barlyq túri boıynsha qatysýshylardyń rekordty sanyn - 125 adamdy attandyryp otyr.