TMD elderiniń SІM basshylary 6 sáýirde Mınskide kezdesedi
Jospar boıynsha, keńes otyrysynda 13 qujattyń jobasy qaralady, olardyń basym bóligi Dostastyq aıasyndaǵy gýmanıtarlyq yntymaqtastyqty damytý men qaýipsizdikti nyǵaıtý máselelerine arnalǵan.
SІMK músheleri shaǵyn formatta óz quzyretteri aıasynda halyqaralyq jáne TMD aıasyndaǵy yntymaqtastyqtyń ózekti máseleleri jóninde pikir almasady, sondaı-aq SІMK-tiń kezekti otyrysyn ótkizý orny men kúnin belgileıdi.
Keńeıtilgen otyrysta Táýelsiz Memleketter Dostastyǵy aıasynda Syrtqy ister mınıstrlikteri arasyndaǵy kópdeńgeıli konsýltatsııalar josparynyń iske asyrylýy talqylanyp, 2018 jylǵy jospar belgilenedi.
SІMK otyrysynda gýmanıtarlyq yntymaqtastyqty keńeıtý aıasynda: 2021 jyldy TMD-da Sáýlet jáne qala salý jyly dep jarııalaý, TMD-ǵa qatysýshy memdeketterdiń oqytýshylary men bilim berý qyzmetkerleriniń Sezi týraly Ereje, «TMD úshin 100 ıdeıa» halyqaralyq jastar jobasy, TMD elderiniń salyqtardy (qarjylyq) tekserý organdaryna kadrlar daıarlaý jáne olardyń biliktiligin arttyrýdyń bazalyq uıymy sııaqty jobalardy talqylaý josparlanýda.
Budan tys, SІMK otyrysynda qaralatyn máselelerdiń jartysynan kóbi Dostastyqtaǵy qaýipsizdik jáne jańa syn-tegeýrinderge qarsy is-qımyl salasyna arnalady.
Eske sala keteıik, TMD Syrtqy ister mınıstrleri keńesiniń kezekti otyrysyn 2018 jylǵy 6 sáýirde Mınskide (Belarýs Respýblıkasy) ótkizý týraly sheshim TMD SІMK-tiń 2017 jylǵy 10 qazanda Sochıde ótken otyrysynda qabyldanǵan bolatyn.