TMD elderiniń ıntellıgentsııasy Máskeýde bas qosady

ASTANA. QazAqparat - 2017 jyldyń 11-12 jeltoqsanynda Máskeýde TMD-ǵa múshe elderdegi Shyǵarmashylyq jáne ǵylymı ıntellıgentsııanyń XII forýmy jáne «Dostastyq juldyzdary» syılyǵyn tapsyrý rásimi ótedi, dep habarlaıdy «QazAqparat» HAA TMD Atqarý komıtetiniń baspasóz qyzmetine silteme jasap.

Forýmǵa Qazaqstan, Armenııa, Ázerbaıjan, Belarýs, Moldava, Tájikstan, Túrikmenstan, Ózbekstan, Ýkraına jáne Reseı memleketteriniń ókilderi qatysady.

Negizgi taqyryp - «TMD-da otbasylyq qundylyqtar men salt-dástúrlerdi nyǵaıtý men qoldaýda gýmanıtarlyq yntymaqtastyqtyń róli».

Forým aıasynda TMD elderiniń memleketaralyq basty syılyǵy - «Dostastyq juldyzynyń»  laýreattaryn marapattaý rásimi ótkiziledi. Joǵarǵy marapat bıylǵy jyly baletmeıster ıÝrıı Grıgorovıchke (Reseı), kompozıtorlar Evgenıı Dog (Moldava) jáne Tıgran Mansýrıanǵa (Armenııa), jazýshy Ivan Saverchenkoǵa (Belarýs), sýretshi Farhad  Halılovqa (Ázerbaıjan), matematık Altaı Bóribaevqa (Qyrǵyzstan), teatr basshysy Tóleýbek Álpıevke  (Qazaqstan), akter Ibodýllo Mashrabqa (Tájikstan) berilmek.

Sharaǵa TMD-ǵa múshe-memleketterdiń Gýmanıtarlyq yntymaqtastyǵynyń memleketaralyq qory qoldaý bildirýde.