TMD elderiniń ǵarysh vedomstvolarynyń ókilderi Máskeýde bas qosty
07:44, 19 Qazan 2017
ASTANA. QazAqparat - 17-18 qazan kúnderi Máskeýde TMD-ǵa múshe memleketterdiń atqarýshy bılik organdary ókilderiniń VIII keńesi ótti. Atalmysh jıynda ǵarysh salasyndaǵy yntymaqtastyq máseleleri talqylandy, dep habarlaıdy «QazAqparat» HAA tilshisi.
Keńeske Armenııa, Belarýs, Qazaqstan Respýblıkasy jáne Reseı Federatsııasynyń ókilderi qatysty. Qazaqstan delegatsııasyn QR Qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy Erkin Shaımaǵambetov bastap bardy.
Reseı ǵarysh baspasóz qyzmetiniń málimetinshe, kún tártibinde ǵarysh keńistigin beıbit maqsatta birlese paıdalaný jáne zertteý salasyndaǵy jobalar talqylandy.