TMD elderiniń 2024 jylǵy sport astanasy tańdaldy

EREVAN. ARMENPRESS – QazAqparat – Gıýmrı 2024 jyly TMD elderiniń sport astanasy bolyp tanyldy. Munda TMD elderiniń Dene shynyqtyrý jáne jáne sport keńesi konferentsııasy ótedi, dep habarlaıdy QazAqparat Armenpress-ke silteme jasap.

Mundaı sheshim Mınskide ótken TMD elderiniń Dene shynyqtyrý jáne jáne sport keńesiniń kezekti otyrysynda qabyldandy. Budan bólek, Armenııa Respýblıkasynyń ýákiletti ókili, Armenııa Respýblıkasy mınıstriniń orynbasary Karen Gıllan Táýelsiz memleketter dostastyǵyna qatysýshy memleketterdiń Dene shynyqtyrý jáne sport jónindegi keńesiniń tóraǵasy bolyp saılandy.

«TMD elderiniń yntymaqtastyǵy aıasynda sportqa úlken mán beriledi. Birte-birte qarym-qatynas áldeqaıda jaqyn bola túsýde jáne is-sharalar tanymaldyǵy artyp keledi. Sport astanasyn tańdaý máselesi de mańyzdy. 2024 jyly Gıýmrı sport astanasy bolady», - dedi Armenııa Respýblıkasy Bilim, ǵylym, mádenıet jáne sport (BǴMS) mınıstriniń orynbasary Karen Gıloıan Armenpress-ke bergen suhbatynda.

Onyń aıtýynsha, Gıýmrıde de konferentsııalar ótedi.

«Sport astanasyn tańdaýdyń birneshe nusqasy boldy, biraq biz Gıýmrıdi usyndyq, gıýmrılyq sportshylardyń qandaı jetistikterge jetkenin usyndyq. Sebebi, qazir Gıýmrıde úkimettiń qoldaýymen Artýr Aleksanıan atyndaǵy iri sport kesheni salynyp jatqandyqtan, biz olardyń Armenııa úkimetiniń sportqa úlken kóńil bóletinin óz kózderimen kórgenin qaladyq», - dedi ol.

AR BǴMS mınıstriniń orynbasary Karen Gıloıan 2023 jylǵy 1 qyrkúıekten bastap TMD elderiniń dene shynyqtyrý jáne sport jónindegi keńesin basqarady.