TMD elderinde ıadrolyq apat kezinde habarlandyrýdyń biryńǵaı júıesi engiziledi
«Dostastyq elderinde atom energııa bloktary, ıadrolyq zertteý qondyrǵylary jumys isteıdi jáne salynyp ta jatyr. Ýran óndirilip, atom stansalary úshin otyn shyǵarylady, raıoaktıvti kózder de keńinen paıdalanylady. ıAdrolyq materıaldar, radıoaktıvti kózder Dostastyq memleketteriniń shekarasy arqyly turaqty túrde ótip turady. Biraq búginde Dostastyq keńistiginde apattyq áreket etýdiń biryńǵaı júıesi joq. Bul durys emes», - dedi ol.
Onyń aıtýynsha, Dostastyq keńistiginde mundaı apattyq áreket etýdiń biryńǵaı júıesi asa qajet. Onyń birneshe sebebi de bar.
«Birinshiden, atom energııasyn paıdalanýdyń qolda bar aýqymy men bul saladaǵy yntymaqtastyqty eskerer bolsaq, onda mundaı júıe shynymen de asa qajet. Ekinshiden, mundaı júıeniń bolýy ıadrolyq apat oryn alǵan jaǵdaıda jedel habarlaý jáne kómek kórsetý týraly halyqaralyq konventsııadan týyndap otyr», - dedi Nıkolaı Spasskıı.
Osy rette «Rosatom» ókili ıadrolyq apat jaǵdaıynda nemese radıatsııalyq apatty jaǵdaı oryn alǵan sátke daıyndyqty qamtamasyz etý jáne onyń saldaryn joıý barysynda ózara kómek kórsetý boıynsha TMD-ǵa qatysýshy memleketterdiń ózara is-qımyly týraly kelisimniń jańa mazmunyna toqtaldy.
«Dostastyqtyń barlyq elinde arnaıy ókiletti organ anyqtalady. MAGATE usynysy negizinde habarlandyrýdyń biryńǵaı formasy ázirlenedi. Eń bastysy kelisimde qatysýshy elderdiń birinde ıadrolyq nemese radıatsııalyq apatty jaǵdaı kezinde kómek qajet bolǵanda is-árekettiń biryńǵaı algorıtmi jan-jaqty jazylady. Ótinim jiberilip, jedel rejimde kómek kórsetetin top jasaqtalady. Olar arnaıy tehnıkamen jáne qural-jabdyqpen jabdyqtalady. Kómek suraýshy tarap atalǵan toptyń basymdyqpen kirýin qamtamasyz etedi. Reseı tájirıbesine sáıkes, eger barlyq protsedýrany aldyn ala naqty ázirlep qoısaq, onda mundaı top ótinim túskennen keıin nysanda 24 saǵatta, tipti odan da erterek bola alady», - dedi ol.
Buǵan deıin habarlaǵanymyzdaı, Táýelsiz memleketter dostastyǵy Úkimet basshylary keńesiniń shaǵyn quramdaǵy otyrysy ótip, onda TMD aıasyndaǵy ekonomıkalyq ózara is-qımyldyń ózekti máselelerine qatysty pikir almasylǵan bolatyn.
Al keńeıtilgen quramdaǵy otyrysta Tájikstan Premer-Mınıstri Kohır Rasýlzada TMD-ǵa múshe memleketter arasyndaǵy saýda-sattyq kedergilerin joıý baǵytyndaǵy jumystarǵa toqtaldy.