TMD elderinde týrızm ınfraqurylymy damymaı otyr - RF Týrızm jónindegi federaldyq agenttiginiń basshysy

ASTANA. QazAqparat - TMD elderinde týrızm ınfraqurylymynyń damýy kenjelep otyr. Týrısterdi tipti kólikpen, aýdarmashymen qamtamasyz etýdiń ózi de kemshin, -dedi Reseıdiń Týrızm jónindegi federaldyq agenttiginiń basshysy Aleksandr Radkov tap qazirgi ýaqytta ótip jatqan «RIA Novostı» agenttiginiń halyqaralyq baspasóz ortalyǵyndaǵy telekópir kezinde.

Sondaı-aq, Máskeý, Kıev, Kıshınev, Erevan qalalaryndaǵy telekópirge qatysýshy ókilder de týrızm salasyndaǵy ózekti máselelerge toqtaldy. Bıylǵy jyl TMD elderi arasynda týrızm jyly dep jarııalanǵandyqtan atqarylýǵa tıisti sharýalar óte kóp. Jeli arqyly baılanys barysynda oǵan qatysýshy tórt eldegi qazirgi kókeıkesti máseleler men alda atqarylatyn isterdi ortaǵa salyp, pikir almasty. Sonymen birge burynǵy postkeńestik memleketterdegi týrızmge qolaıly dep sanalatyn qalalar men demalys oryndaryn tıimdi paıdalaný jaıy aıtyldy.