TMD elderinde Qazaqstannan urlanǵan 200-den astam kólik anyqtaldy
«Sońǵy úsh jylda TMD memleketterinde elimiz aýmaǵynan urlanǵan jáne shyǵarylǵan 200-den astam avtokólik anyqtaldy. Onyń ishinde Qazaqstanǵa tek 57-si qaıtaryldy. Osyǵan baılanysty Kelisimdi ratıfıkatsııalaý TMD elderi quzyrly organdarynyń ózara is-qımylyn jeńildete túsedi», - dedi mınıstr «TMD-ǵa qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimdi ratıfıkatsııalaý týraly» zań jobasyn tanystyrý barysynda.
Onyń sózine qaraǵanda, budan buryn zań jobasy qarjylyq shyǵynǵa baılanysty birqatar memlekettik organdar tarapynan qoldaý tappaǵan.
«Sonymen birge atalǵan kelisimdi Armenııa, Belarýs, Qyrǵyzstan, Reseı ratıfıkatsııalady. Atap aıtqanda, tájirıbege súıensek, ony júzege asyrýǵa baılanysty bıýdjet shyǵystary bolmaıtyny baıqalap otyr. Zań jobasyn qabyldaý áleýmettik-ekonomıkalyq jáne quqyqtyq keri saldarǵa alyp kelmeıdi, sondaı-aq qosymsha bıýdjettik shyǵyndardy qajet etpeıdi»,- dep naqtylady Q. Qasymov.