TMD elderinde iskerlik belsendilik artyp keledi
«Bıyl saýda-ekonomıkalyq saladaǵy yntymaqtastyqty nyǵaıtýǵa erekshe nazar aýdardyq. Bul baǵytta biz birinshi kezekte TMD-nyń 2030 jylǵa deıingi ekonomıkalyq damý strategııasynda belgilengen maqsattar men mindetterge baǵdarlandyq. Bizdiń ózara is-qımylymyzdyń negizgi quramdas bóligi pandemııadan týyndaǵan jaǵymsyz saldarlardy azaıtý boıynsha kelisilgen is-sharalardy iske asyrý boldy. Búgin bul jumystyń praktıkalyq nátıjelerin kórip otyrmyz», - dedi QR Premer-Mınıstri.
Álıhan Smaıylov TMD-nyń barlyq elinde ekonomıka birtindep qalpyna kelip, iskerlik belsendilik arta túskendigin aıtty.
«TMD keńistiginde ekonomıkalyq turaqtylyqty qamtamasyz etý jónindegi is-sharalardy iske asyrý maqsatynda týyndaıtyn problemalarǵa birlesken den qoıý sharalarynyń tizbesi qabyldandy. Qujat ózara ınvestıtsııalardy yntalandyrý, ónerkásiptik kooperatsııa, kedendik retteýdi jeńildetý, jańa logıstıkalyq tizbekterdi, termınaldyq ınfraqurylymdy qalyptastyrý, tsıfrlyq tehnologııalardy engizý máseleleri boıynsha yntymaqtastyqty tereńdetýdi kózdeıdi», - dedi QR Úkimet basshysy.