TMD elderinde aqparattyq tehnologııalar salasynda qylmyspen kúres kúsheıtiledi
Kelisimge 2018 jyly qyrkúıekte Dýshanbe qalasynda Armenııa, Belarýs, Qyrǵyzstan, Reseı, Ózbekstan jáne Tájikstan elderi qol qoıdy. Syrtqy ister mınıstrliginiń aqparatyna sáıkes, kelisimdi tek Ózbekstan men Belarýs ratıfıkatsııalady, qalǵan elder memleket ishindegi rásimderdi júrgizýde.
QR Іshki ister mınıstriniń birinshi orynbasary Marat Qojaevtyń sózine qaraǵanda, kelisimdi TMD elderi aýmaǵynda keńinen taralǵan qylmystardyń jáne ІT salasyndaǵy termınologııalardyń ortaq túsinigi qamtamasyz etiledi. Zań jobasynyń negizgi maqsaty – ýaǵdalasýshy memleketterdiń aqparattyq tehnologııalar salasyndaǵy qylmystardyń aldyn alýdy, anyqtaýdy, jolyn kesýdi, ashýdy jáne tergep-tekserýdi qamtamasyz etý salasyndaǵy yntymaqtastyqty júzege asyrý.
«Birlesken is-sharalar men operatsııalardy júrgizý, kadrlardy daıarlaý jáne oqytý, ǵylymı zertteýlerdiń nátıjelerimen almasý boıynsha yntymaqtastyqtyń baǵyttary kózdeledi. Ózara yntymaqtastyq jasaıtyn TMD-ǵa qatysýshy memleketterdiń quzyretti organdary anyqtalatyn bolady. Zań qabyldanǵannan keıin onyń oryndalýyna jaýapty quzyretti organdardyń tizbesin belgileıtin Úkimet qaýlysy ázirlenedi. QR Qylmystyq-protsestik kodeksine sáıkes, olarǵa Bas Prokýratýra, Ulttyq qaýipsizdik komıteti, Іshki ister mınıstrligi jáne Qarjy mınıstrliginiń ekonomıkalyq tergeý qyzmeti jatady. Qajet bolǵanda memleketter ózara is-qımyl tártibin qosymsha anyqtaıdy», - dedi Marat Qojaev.