TMD elderi zańsyz kóshi-qon máselelerin talqylady

ASTANA. QazAqparat - Bishkekte TMD-ǵa qatysýshy memleketterdiń kóshi-qon organdary basshylary keńesiniń otyrysy ótti. Jıynda kóshi-qon salasynda aqparattyq ózara is-qımyl týraly kelisim jasasý, TMD elderi aýmaǵynda ýaqytsha eńbek qyzmeti úshin azamattardy uıymdasqan túrde irikteý jáne readmıtsııa týraly máseleler qaraldy, dep habarlaıdy QazAqparat QR ІІM baspasóz qyzmetine silteme jasap.

Keńes otyrysynda zańsyz kóshi-qonnyń jol kesý boıynsha birlese aldyn alý, jedel jáne arnaıy sharalar ótkizý, kóshi-qon salasynda jalǵan qujattar jasaý tásilderin anyqtaý máseleleri talqylandy.

Qazaqstan delegatsııasynyń basshysy, Іshki ister mınıstriniń orynbasary Erlan Turǵymbaev zańsyz kóshi-qon arnalaryn anyqtaýǵa naqty sharalardy atap, qosarlanǵan azamattyqqa qarsy turýdaǵy problemalardy qozǵady jáne aqparat almasý týraly shekti kelisim jasasýdy usyndy.

Otyrysqa Ázerbaıjan, Armenııa, Belarýs, Qazaqstan, Qyrǵyzstan, Reseı, Tájikstan, Ózbekstan jáne Túrikmenstan elderiniń, TMD Atqarýshy komıteti men Parlamentaralyq assambleıanyń, Eýrazııa ekonomıkalyń komıssııasynyń ókiletti ókilderi qatysty.