TMD elderi koronavırýspen kúrestegi yntymaqtastyqty talqylady
«Pandemııanyń alǵashqy aptalarynan bastap el Úkimeti kúsh-jigerdi ekonomıkalyq turaqtylyqty qamtamasyz etý jáne ınfektsııanyń taralýyna qarsy sharalar ázirleýge baǵyttady. QR Premer-Mınıstriniń tóraǵalyǵymen Vedomstvoaralyq komıssııa quryldy, COVID-19 máseleleri boıynsha jedel shtab jumysyn bastady. Sondaı-aq mınıstrlik janynan epıdemıologııalyq ahýal boıynsha sarapshylardyń respýblıkalyq shtaby quryldy», - dedi A.Tsoı.
Mınıstr atap ótkendeı, az ýaqyt ishinde respýblıkada halyqaralyq standarttarǵa sáıkes keletin 16 ınfektsııalyq keshen salyndy. Aıyna 60 myńǵa jýyq naýqasty COVID-19 ınfektsııasynan emdeýge arnalǵan dári-dármektiń eki aılyq qory quryldy. Qosymsha sanıtarlyq kólikter satyp alyndy. Búginde elimizdiń túkpir-túkpirine 100 mobıldi medıtsınalyq keshen jetkizildi.
Otyrysqa Keńes músheleri men Qazaqstan, Armenııa, Belarýs, Qyrǵyzstan, Moldova, Reseı, Tájikstan, Túrikmenstan jáne Ózbekstannan, sondaı-aq DDSU Eýropalyq aımaqtyq bıýrosy, TMD jáne Eýrazııa onkologııa jáne rentgenologııalyq radıologııa ortalyqtary men ınstıtýttarynyń dırektorlary qaýymdastyǵy, Halyqaralyq federatsııa men Qyzyl Krest jáne Qyzyl Jarty Aı qoǵamdary, múddeli uıymdar men vedomstvolardyń ókilderi qatysty.
Qatysýshylar koronavırýs ınfektsııasymen kúreste TMD-ǵa múshe memleketterdiń ózara baılanysyn damytý, sondaı-aq qant dıabetiniń aldyn alý jáne emdeý boıynsha TMD yntymaqtastyq baǵdarlamasyn júzege asyrý máselelerin talqylady.
«Otyrysqa qatysýshylar DDSU Eýropalyq aımaqtyq bıýrosynyń Qoǵamdyq densaýlyq saqtaý júıeleriniń ulttyq fýnktsıonaldyq áleýetin baqylaý jáne memlekettik deńgeıde COVID-19 ınfektsııasyn aldyn-alý sharalaryn monıtorıngileý jáne baǵalaý boıynsha úzdik tájirıbelerdi anyqtaý maqsatynda yntymaqtastyqty odan ári damytý týraly usynysty biraýyzdan maquldady.
TMD memleketterinde COVID – 19 epıdemıologııalyq, klınıkalyq jáne ǵylymı derekterdi jınaý, taldaý maqsatynda Keńeske 2020 jylǵy 25 jeltoqsanǵa deıin jiti respıratorlyq ınfektsııalar men tumaýmen syrqattanýshylyqtyń maýsymdyq kóterilýi kezeńinde koronavırýs ınfektsııasynyń erekshelikteri jáne TMD-ǵa qatysýshy memleketterde popýlıatsııalyq ımmýnıtettiń jaı-kúıi týraly taldamalyq aqparat usyný tapsyryldy.
Sonymen qatar, kezdesý qorytyndysy boıynsha TMD–ǵa qatysýshy memleketterdiń qant dıabeti máseleleri jónindegi sarapshylar keńesine 2016-2020 jyldarǵa arnalǵan qant dıabetiniń aldyn alý jáne emdeý jónindegi baǵdarlamanyń oryndalý qorytyndylary týraly aqparatty jáne statıstıkalyq derekterge taldaý jasaý tapsyryldy», - delingen QR densaýlyq saqtaý mınıstrliginiń aqparatynda.