TMD elderi ekstremıster týraly ortaq derekqor bazasyn qurmaq

ASTANA. QazAqparat - TMD elderi terrorıster, ekstremıster jáne basqa da qaýipti qylmyskerler týraly ortaq derekqor bazasyn jasaýdy josparlap otyr. 

Bul týraly jýrnalısterge Táýelsiz memleketter dostastyǵy elderiniń penıtentsıarlyq qyzmet basshylary keńesiniń otyrysy aldynda Reseıdiń Jazany oryndaý federaldy qyzmeti (JOFQ) dırektorynyń orynbasary Valerıı Maksımenko málimdedi, dep habarlaıdy BELTA.

Valerıı Maksımenko naqtylap ótkendeı, másele jazany óteý oryndarynda otyrǵan, bosap shyqqan nemese izdestirilip jatqan qylmyskerler týrasynda bolýda. «Bir jyldyń ishinde jasaýymyz tıis dep oılaımyn», - dedi ol derekqor bazasyn qurý merzimi týraly aıta kele.

Bul másele Mınskide Keńestiń otyrysynda ózge de máselelermen qatar talqylanýda. Ol 2015 jyly qurylǵan bolatyn, qazir onyń quramyna Qazaqstan, Armenııa, Belarýs, Qyrǵyzstan jáne Reseı kiredi. Tájikstan keńesti qurý týraly kelisimge qol qoıdy, qazirgi tańda ony ratıfıkatsııalaý protsedýrasyn júrgizýde.

JOFQ dırektory orynbasarynyń aıtýynsha, onyń jumysyna tek TMD quramyndaǵy elder ǵana emes, sonymen qatar birqatar eýropalyq memleketter men Kýba da qyzyǵýshylyq tanytýda.