TMD elderi basshylary Astanada qandaı qujattarǵa qol qoıdy
«Sammıtte qaýipsizdik salasyndaǵy ózara is-qımyl máselelerine erekshe nazar aýdaryldy. Memleket basshylary 2023-2025 jyldarǵa arnalǵan terrorızm men ekstremızmge qarsy kúrestegi yntymaqtastyq baǵdarlamasyn bekitti. Sammıttiń taǵy bir qujaty - memleket basshylarynyń klımat salasyndaǵy yntymaqtastyq týraly málimdemesi boldy. Onda klımat máselelsinde TMD elderiniń birlesken is-qımyldary mańyzdy ekeni atap ótildi. QR Prezıdentiniń bastamasy boıynsha TMD-daǵy baıqaýshylar men seriktesterdiń mártebesin belgileý týraly qujattardy daıyndaý jumysy bastalady. Bul dostastyqtyń jumysyna basqa elder men halyqaralyq uıymdardy tartýǵa múmkindik beredi. Adam quqyqtary men bostandyqtaryn qorǵaý salasyndaǵy yntymaqtastyqty nyǵaıtý maqsatynda TMD adam quqyqtary jónindegi komıssııa týraly jańa ereje qabyldandy», - dedi mınıstr.
Onyń aıtýynsha, búgingi sammıt aıasynda eki halyqaralyq shartqa qol qoıylǵan.
«Bul - TMD-ǵa qatysýshy memleketterdiń saılaý organdary basshylarynyń konsýltatıvtik keńesin qurý týraly kelisim jáne sybaılas jemqorlyqqa qarsy is-qımyldaǵy yntymaqtastyq týraly kelisim», - dedi Muhtar Tileýberdi.