TMD elderi azyq-túlik qaýipsizdigi boıynsha ortaq qujat qabyldady

<p>Astanada TMD elderi aýyl sharýashylyǵy salasynda yntymaqtastyqty arttyra túsetin qujat qabyldady, dep habarlaıdy Kazinform.</p>

«Biz Belarýs Respýblıkasynyń, Qazaqstan Respýblıkasynyń, Qyrǵyz Respýblıkasynyń, Reseı Federatsııasynyń, Tájikstan Respýblıkasynyń, Túrikmenstannyń, Ózbekstan Respýblıkasynyń Aýyl sharýashylyǵy mınıstrleri men delegatsııalarynyń basshylary 2023 jylǵy 20 qazanda Astanada Azyq-túlik qaýipsizdigin qamtamasyz etý salasyndaǵy yntymaqtastyq máseleleri jónindegi TMD-ǵa qatysýshy memleketterdiń mınıstrlik konferentsııasyna qatystyq», – delingen qujatta.

Sonymen qatar konferentsııaǵa qatysýshylar Qazaqstannyń TMD agroónerkásiptik keshen máseleleri jónindegi úkimetaralyq keńes janynan azyq-túlik qaýipsizdigi máselelerine arnalǵan jedel shtab qurý týraly usynysyn quptady.

Foto: Vıktor Fedıýnın/Kazinform

 

Odan bólek, TMD elderinen kelgen qonaqtar «KazAgro/KazFarm-2023» kórmesine qoıylǵan ozyq aýyl sharýashylyǵy tehnıkalarymen, jetekshi álemdik aýyl sharýashylyǵy kontsernderiniń jabdyqtarymen, ınnovatsııalyq tehnologııalarmen jáne aýyl sharýashylyǵy sektoryn damytýǵa arnalǵan baǵdarlamalarmen tanysty.

Buǵan deıin mınıstr Qazaqstan TMD-da azyq-túlik jetkizýdiń óńirlik haby bolýǵa daıyn ekenin aıtqan edi.

Aıta keteıik, búgin Astanada TMD-ǵa qatysýshy memleketterdiń azyq-túlik qaýipsizdigin qamtamasyz etý salasyndaǵy yntymaqtastyq máseleleri jónindegi mınıstrler konferentsııasy ótti.