Bul týraly Máskeýde uıymdastyrylǵan ekonomıkalyq máseleler jónindegi komıssııanyń kezekti otyrysynda málim boldy. Onyń aıasynda Ózbekstan bastamasy boıynsha ázirlengen keshendi jospar qaraldy.
Atap aıtqanda, TMD-ǵa múshe elder 2030 jylǵa deıin ózara ınvestıtsııa tartý baǵytyndaǵy yntymaqtastyqty nyǵaıtýǵa múddeli.
— Qujatta ınvestıtsııalyq ahýaldy jaqsartý, TMD-ǵa múshe elderdiń ekonomıkasyna sheteldik kózderden qarajat tartý boıynsha birlesken jobalardy júzege asyrý josparlary qamtylǵan, — delingen uıymnyń resmı saıtynda jarııalanǵan habarlamada.
Atalǵan keshendi jospardy bıyl 28 sáýirde Tashkentte ótetin TMD Ekonomıkalyq keńesiniń otyrysynda bekitý josparlanyp otyr.
Eske sala keteıik, bıyl 3-4 sáýir aralyǵynda Samarqan qalasynda Eýroodaq pen Ortalyq Azııa elderiniń alǵashqy sammıti ótedi.