TMD-da ýnıversıtetter reıtingisin jasaıdy
09:49, 12 Tamyz 2013
ASTANA. 12 tamyz. QazAqparat - TMD-da ýnıversıtetter reıtıngisin jasaıdy. Úzdikterdi joǵary oqý oryndarynyń kópfaktorly taldaýynan keıin anyqtaıdy. Bul týraly TMD parlamentaralyq assambleıasynyń baspasóz qyzmetinen habarlady.
«Reıtıngti jasaý barysynda sarapshylar statıstıkalyq málimetter, akademııalyq jáne ǵylymı birlestik ókilderi, stýdenter men túlekter jáne jumys berýshilerden alynǵan saýalnama nátıjesine súıenedi» dep jazylǵan habarlamada.
Jobanyń maqsaty - TMD keńistiginde joǵary mektep erekshelikterin eskermeıtin halyqaralyq reıtıngterge balama qurý. Sarapshylardyń málimeti boıynsha, osy kúngi reıtıngter bilim sapasy men eńbek naraǵyndaǵy túlekterdiń jetistikterin baǵalaı almaıdy.
Sonymen qatar, sarapshylar atalǵan ýnıversıtetterdiń óz elinde jáne TMD-nyń basqa memleketterinde qandaı bedeli bar ekenin de eskeredi.