TMD boıynsha izdeýde júrgen 24 qylmysker SQO-da ustaldy

<p>PETROPAVL. KAZINFORM &ndash; Soltústik Qazaqstan oblysynyń polıtseıleri sońǵy úsh aıda kórshi elderdegi áriptesterine 24 qylmyskerdi ustap berdi.</p>

SQO polıtsııa departamenti baspasóz qyzmetiniń málimetinshe, TMD boıynsha izdeý jarııalanyp, oblys aýmaǵynda ustalǵan 24 qylmyskerdiń 21-i Reseıge, bireýi Armenııaǵa jáne ekeýi Ózbekstanǵa jiberildi.

Máselen Omby jáne Qorǵan oblysynyń eki turǵyny esirtki zattarynyń zańsyz aınalymy úshin; taǵy eki turǵyn shekarany zańsyz kesip ótkeni úshin izdestirilgen. Túmen oblysynyń taǵy bir turǵynyn jedel ýákilder óltiremin dep qorqytý jáne aýyr dene jaraqattaryn keltirgeni úshin izdestirgen. Olardyń barlyǵyn soltústikqazaqstandyq polıtseıler ustap, reseılik áriptesterine tabys etti.

«TMD elderiniń quqyq qorǵaý organdarymen ózara is-qımyl aıasynda qylmysqa qarsy kúrestiń tıimdiligin arttyrý, qylmystardy ashý, iz-tússiz joǵalǵan tulǵalardy jáne qylmyskerlerdi izdestirý boıynsha jumys atqarylyp jatyr. Osy maqsatta oblystyq polıtsııa departamenti jedel-anyqtamalyq, izdestirýge qatysty aqparat almasý jumystaryn júrgizedi. TMD elderiniń ishki ister organdary SQO polıtsııasyna bir qylmyskerdi ustap berdi. Ol esirtkimen baılanysty qylmys úshin izdeýde boldy», - deıdi SQO PD bastyǵynyń orynbasary Asqar Muhametqalıev.

Buǵan deıin SQO-da er adam aýyldastarynyń 140 mln teńgesin alaıaqtyq jolmen qaltasyna basqanyn jazǵan edik.