TMD baıqaýshylary saılaýǵa qatysty pikir bildirdi

ASTANA. QazAqparat - Qazaqstandaǵy Májilis jáne máslıhat depýtattaryn saılaý protsesin TMD Parlamentaralyq Assambleıasy atynan 61 baıqaýshy qarap otyr, dep habarlaıdy QazAqparat tilshisi.

«Osy saılaýdy uıymdastyrý jaǵy joǵary deńgeıde ekenin baıqadyq. Biz Qazaqstandaǵy saılaýǵa kelgen saıyn, elde ońtaıly qadam jasalyp jatqanyn senimmen aıtamyz. Búgingi saılaýda da jaqsy qorytyndyny jarııalaımyz dep úmittenemin. Biz saıası partııalardyń barlyǵymen tanysyp, kezdesý ótkizdik. Sonymen qatar osy protseske aralasyp jatqan saıası qaıratkerlermen, azamattarmen kóp sóılestik», - dedi TMD Parlamentaralyq Assambleıasynyń baıqaýshylar tobynyń úılestirýshi Vagarshak Akobıan elordadaǵy №110 saılaý ýchaskesinde tilshiler suraǵyna jaýap bere otyryp.

Osy oraıda ol daýys berý zań talaptary aıasynda ótip jatqanyn aıtty.

Budan bólek, TMD Parlamentaralyq Assambleıasy keńesiniń bas hatshysy Dmıtrıı Kobıtskıı osyǵan deıin baıqaýshylar toby álemniń birqatar elinde bolǵanyn, osy oraıda Qazaqstanǵa tájirıbeli mamandar kelgenin aıtty.

«Bizdiń Qazaqstandaǵy tobymyzda 61 adam qamtylǵan. Bul turǵyda obektıvti qorytyndy jasaı alamyz. Tańerteń biz saılaý ýchaskeleriniń ashylýyna bardyq. Saılaý ýchaskelerinde daýys berý jáne daýystardy sanaý aıaqtalǵansha bizdiń baıqaýshylar bolady. Qazaqstan Ortalyq saılaý komıssııasy daýystardy sanaǵannan keıin, biz de óz tıisti málimdeme jasaımyz», - dedi D. Kobıtskıı.

Budan buryn habarlanǵandaı, búgin Qazaqstanda Májilis pen máslıhat depýtattaryn saılaý bastaldy.