TMD baıqaýshylary Qazaqstannyń zań organdarynda kezdesýler ótkizdi
Bul týraly búgin QR Ortalyq saılaý komıssııasynda ótken brıfıngte atalǵan mıssııa shtabynyń múshesi Evgenıı Kozıak málim etti.
Onyń atap ótýinshe, mıssııa quramynda Ázerbaıjan, Armenııa, Belarýs, Qyrǵyzstan, Moldova, Reseı, Tájikstan, Túrkimenstan, Ózbekstan elderinen, TMD-ǵa qatysýshy memleketterdiń Parlamentaralyq assambleıasynan, Belarýs pen Reseı odaǵy parlamenttik jınalysynan, UQShU Parlamenttik assambleıasynan, TMD Atqarýshy komıtetinen 301 baıqaýshy akkredıttelgen.
«San jaǵynan bul halyqaralyq baıqaýshylardyń eń úlken mıssııasy bolyp otyr. Olardyń basym bóligi erteń jáne arǵy kúni keledi»,- dedi ol.
Sonymen qatar, E.Kozıak saılaýdy baıqaý aıasynda mıssııa músheleri Bas prokýratýrada, Joǵarǵy sotta jáne Іshki ister mınıstrliginde kezdesýler ótkizgenin atap ótti.
Elimizdiń Bas prokýrorymen kezdesý barysynda mıssııa ókilderine saılaý naýqany kezeńinde zańamanyń saqtalýyn qadalaǵaý boıynsha atqarylǵan jumystar aıtyldy.
Al Joǵarǵy sot basshylyǵy saılaý protsesindegi sottardyń róli jaıynda aıtyp berdi.
Al Іshki ister mınıstrimen ótken kezdesý barysynda saılaý ótkizý barysynda qaýipsizdik saqtaý úshin qabyldanǵan sharalar jaıynda sóz qozǵalǵan.