TMD aýmaǵynda biryńǵaı konfessııalyq monıtorıng júıesin qalyptastyrý qajet - Q. Lama Sharıf
Bul týraly búgin Astanada QR Din isteri agenttiginiń tóraǵasy Qaırat Lama Sharıf «TMD elderindegi dinderdiń róli» halyqaralyq konferentsııasynda málim etti.
«TMD aýmaǵynda biryńǵaı konfessııalyq monıtorıng júıesin qalyptastyrý qajettiligi týyndap otyr. Ol elderimizdegi konfessııalyq jaǵdaıdy qadaǵalaýǵa, dinı faktordyń tikeleı nemese janama qatysýynyń arqasynda týyndaýy múmkin shıelenisterdiń aldyn alý úshin naqty usynystardy ázirleýge múmkindik beredi», - dep atap ótti ol.
Onyń aıtýynsha, halyqaralyq jáne ulttyq tájirıbelerdi taldaý kórsetip otyrǵandaı, dinı-saıası ekstremızmge qarsy is-qımyl kórsetýde retteýshi, tyıym salý jáne profılaktıkalyq sıpattaǵy sharalardy qamtıtyn keshendi sheshim qajet.
«Osy saladaǵy asa tıimdi sharalarǵa quqyqtyq bazany jetildirý, quqyqqorǵaý organdarynyń qyzmetin nyǵaıtý jáne jetildirý, dinı ekstremızm jáne terrorızmdi qarjylandyrýmen kúresti kúsheıtý, sonymen qatar túsindirý, aqparattyq-nasıhat jáne ıdeologııalyq jumystardy belsendi túrde júrgizýge negizdeledi», - dedi Q. Lama Sharıf.
Aıta keteıik, halyqaralyq konferentsııaǵa Qazaqstandaǵy TMD elderiniń elshileri, memlekettik organdardyń, halyqaralyq jáne otandyq ǵylymı ortalyqtardyń, úkimettik emes uıymdar men buqaralyq aqparat quraldarynyń ókilderi qatysýda. Shara barysynda TMD elderindegi dinı ahýalǵa taldaý jasalyp, dinı birlestikterdiń arasynda ózara qarym-qatynas ornatý boıynsha jumystar atqarylmaq.