«Tilder saıabaǵy» jobasy: Almatylyqtar shet tilderin tegin úırene alady

<p>ALMATY. KAZINFORM &ndash; Almaty qalasynda ashyq aspan astyndaǵy shet tilderin tegin oqytý boıynsha &laquo;Tilder saıabaǵy jobasynyń ashylý saltanaty ótti. Bul joba Almaty qalasy Jastar saıasaty basqarmasynyń qoldaýymen jáne Volonterler front-ofısiniń uıymdastyrýmen iske asyrylyp jatyr.</p>

Joba Almatynyń barlyq aýdandaryn qamtıdy jáne 8 iri saıabaqtarda júzege asatyn bolady. Taza aýada 6 jastan 60 jasqa deıingi barlyq almatylyqtar til úırene alady. Sabaqtar jaz mezgilinde aptasyna 3 ret ótkiziledi.

Foto: Almaty qalasy Jastar saıasaty basqarmasy

Jobanyń ashylý saltanatyna Almaty qalasy ákiminiń orynbasary Azamat Qaldybekov, Almaty qalasy Jastar saıasaty basqarma basshysynyń mindetin atqarýshy Azız Kajdenbek, Almaty qalasynyń máslıhat depýtattary, úkimettik emes uıym ókilderi, qoǵamdyq keńes músheleri jáne belsendi qala jastary qatysty.

- Joba Almatynyń barlyq aýdandaryn qamtı otyra, taza aýada shet tilderin úırenýge biregeı múmkindik beredi. «Tilder saıabaǵy» jobasy 7 jyldan beri tabysty jumys istep keledi, bul qala turǵyndaryna shet tilderin tegin úırenýge múmkindik beredi. Sabaqtar jaz mezgilinde aptasyna 3 ret ótkiziledi jáne 6 jastan 60 jasqa deıingi barlyq jastaǵy qatysýshylar úshin ashyq. Aıta keteıin, Almatyda jylyna jastarǵa arnalǵan 1000-nan asa ekologııalyq, tegin kýrstar, mádenı jáne sporttyq sharalar turaqty túrde ótip turady. Bul jobalardyń barlyǵy jastardy qalanyń mádenı-qoǵamdyq ómirine tartyp, olardyń jeke damýyna yqpal etip jáne bos ýaqytyn tıimdi ótkizýge baǵyttalǵan, - dedi Almaty qalasy Jastar saıasaty basqarma basshysynyń mindetin atqarýshy Azız Kajdenbek.

Foto: Almaty qalasy Jastar saıasaty basqarmasy

Baǵdarlama sheńberinde tildi meńgerý deńgeıin kórsetetin kýrstardy aıaqtaǵannan keıin sertıfıkattar bere otyryp, qazaq tilin qosa alǵanda, 8 til boıynsha kýrstar usynylady.