Til saıasatyn damytýdyń 6 jyldyq tujyrymdamasy bekitildi

<p>Premer-Mınıstr Álıhan Smaıylov &laquo;Qazaqstan Respýblıkasynda til saıasatyn damytýdyń 2023-2029 jyldarǵa arnalǵan tujyrymdasyn bekitý týraly&raquo; Úkimet <a href="https://adilet.zan.kz/kaz/docs/P2300000914" target="_blank" rel="noopener">qaýlysyna</a> qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Málim bolǵandaı, tujyrymdamadaǵy josparlardy oryndaý memlekettik tildi qoǵamnyń barlyq salasynda qoldaný aıasyn keńeıtýge jáne onyń mártebesin arttyrýǵa tikeleı yqpal etpek.

Tujyrymdama 6 bólimnen jáne is-qımyldar josparynan turady.

Aıqyndalǵan basty mindettiń biri - qazaq álipbıin latyn qarpine kóshirý. Ol jumystar álipbı naqty normatıvtik qujattarmen bekitilgennen keıin kezeń-kezeńimen iske asyrylady.

Jalpy, tujyrymdamany iske asyrý aıasynda 2029 jylǵa qaraı myna nátıjelerge jetýge múmkindik bermek:

- respýblıka boıynsha qazaq tilinde sóıleıtin turǵyndardyń úlesi -84%;

- úsh tilde sóıleıtin turǵyndardyń úlesi - 32%;

- jańa álipbı men emle erejesin oqytý kýrsymen qamtylǵan turǵyndar úlesi - 15%;

- ortalyq memlekettik jáne jergilikti atqarýshy organdardyń memlekettik tilde is júrgizý úlesi - 94%;

- qazaq tiliniń latyn grafıkaly álipbıiniń emle erejesine negizdelgen termınologııalyq qordyń úlesi - 40%.

Qaýly qol qoıylǵan kúnnen, ıaǵnı 16 qazannan bastap kúshine endi.