Tikushaq apaty: Qylmystyq is qozǵaldy

<p>AQTÓBE. KAZINFORM &mdash; Aqtóbede tikushaq apatyna baılanysty qylmystyq is qozǵaldy. Qazir tergeý júrip jatyr.</p>

— Aqtóbe oblysyndaǵy aerodrom aýmaǵynda oqý-jattyǵý ushýlaryn oryndaý kezinde MI-8 tikushaǵy qatty qonyp, artynsha otyn baktary órtengen. Osy fakti boıynsha qylmystyq is qozǵaldy. Oqıǵa ornynda tergeý organdary jumys istep jatyr, — dep habarlady QR ІІM ÁTD Batys óńirlik áskerı-tergeý basqarmasy.

Eske salsaq, búgin Mártók aýdany Saryjar aýylynda tikushaq apatqa ushyryp, janyp ketti. 

Bortta úsh adam bolǵan. Onyń bireýi oqıǵa ornynda kóz jumdy. 

Eki naýqasty kúıik shalǵan. Olar Aqtóbe oblystyq kópsalaly aýrýhanada em qabyldap jatyr. Ázirge naýqastardyń aty-jóni belgisiz.