TKSh jańǵyrtý baǵdarlamasy boıynsha aı saıynǵy tólem somasy orta eseppen 2-3 myń teńgeni quraıdy
Bul týraly Pm.kz. saıtynan habarlandy.
«Turǵyndar TKSh jańǵyrtý baǵdarlamasy boıynsha júzege asyrylǵan úıdi jóndeý jumysynyń qunyn birneshe jyl qatarynan bólip-bólip tóleıtin bolady. Tólemniń aılyq ortasha somasy 2-3 myń teńgeni quraıdy», - delingen agenttik habarynda. Bul rette tólem aqysy páterdiń aýdany men atqarylǵan jumys kólemine qaraı anyqtalady. Shyǵyn smetasyn bekitip, jóndeý jumystaryn qadaǵalaıtyn - tikeleı páter ıeleriniń ózderi bolady.
Sondaı-aq, jóndeý jáne turǵyn úıdi kútip ustaý shyǵyndary jalpy otbasy tabysynyń 10 paıyzynan asatyn az qamtylǵan páter ıeleri ákimdikten turǵyn úı kómegin suraı alady. Kommýnaldyq qyzmet pen jalpy úı múlikterin kútip ustaýǵa baǵyttalatyn otbasy tabysynyń shegin máslıhat belgileıdi. Jóndeý jumystary men úılerdi jylytýdy jańǵyrtýdy iske asyrý nátıjesinde kommýnaldyq qyzmet aqysy azaıyp, páter quny kóteriletin bolady.
2011-2012 jyldarǵa arnalǵan TKSh jańǵyrtý baǵdarlamasy boıynsha Qazaqstanda 11 624 úıdi jóndeýden ótkizý josparlanýda.