TKSh Ulttyq palatasy PIK-ter sanyn ońtaılandyrýdy usynady
Soǵan oraı Turǵyn úı-kommýnaldyq sharýashylyq jáne qurylys Ulttyq palatasy elimizdegi páter ıeleri koperatıvteriniń sanyn ońtaılandyrýdy usynady. Bul týraly Turǵyn úı-kommýnaldyq sharýashylyq jáne qurylys Ulttyq palatasy Basqarma tóraıymy Saltanat Raqymbekova Rrimeminister.kz saıtyna bergen suhbatynda málim etti.
«Tek bir Astananyń ózinde 300-den astam PIK bar, olar 10-15 úıdi basqarady. Jınaıtyn tólemderi tolyǵymen derlik PIK shtatynyń eńbekaqysyna ketedi jáne úılerge sáıkesinshe qyzmet kórsetýge aqsha qalmaı jatady. Eger olardy irilendirsek, olardyń kúshin biriktirýge bolady», - deıdi S.Rahymbekova.
Sonymen qatar, Ulttyq palata tóraıymy kommýnaldyq qyzmetter naryǵynda kóp nársege qol jetkizgen asa tájirıbeli kompanııalar barlyǵyn, soǵan oraı kompanııalardan basqarýshy, qyzmet kórsetýshi retinde ókilettikti bólý kerektigin atap ótti. Onyń sózine qaraǵanda, osylaısha, birneshe kompanııa birigip, materıaldyq-tehnıkalyq bazalaryn biriktirip, úılerge barynsha sapaly qyzmet kórsetý úshin qarjylyq jaǵdaıdy nyǵaıtyp, jańa jabdyqtar satyp ala alady.
Sonymen qatar, Ulttyq palata basqarmasynyń tóraıymy qyzmet kórsetý kompanııalaryn ońtaılandyrýdyń basty sebepteriniń biri retinde jetildirilgen turǵyn úı qorynyń qyzmet kórsetýine jańa tásildi júzege asyrý qajettigin ataıdy.