TKSh-ny termojańǵyrtý baǵdarlamasy 1 mehanızmmen júzege asyrylatyn bolady - S.Nokın
17:44, 14 Qarasha 2013
ASTANA. 14 qarasha. QazAqparat - Turǵyn úı kommýnaldyq sharýashylyǵyn termojańǵyrtý baǵdarlamasy endigi ýaqytta bir ǵana mehanızmmen júzege asyrylatyn bolady. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Óńirlik damý vıtse-mınıstri Serik Nokın málim etti.
Onyń atap ótýinshe,TKSh-ny termojańǵyrtý baǵdarlamasy 2011 jyldan bastap júzege asyrylyp, osy ýaqyttyń aralyǵynda shamamen 1270 úıge jóndeý jumystary júrgizildi.
«Bul baǵdarlama TMD elderi arasynda alǵash ret engizildi. Biz ilki rejimde eki tetikti iske qostyq. 2 jyldyń ishinde osy eki tetiktiń, atap aıtqanda birinshisi ÁKK arqyly, ekinshisi ákimdikterdiń janynan uıymdastyrylǵan JShS arqyly, ekinshi nusqasy úzdik ekendigin túsindik. Biz baǵdarlamaǵa ózgertý engizemiz jáne endigi ýaqytta ol tek 1 tetikpen júzege asyrylatyn bolady», - dedi S.Nokın.