Tizimge enbegen almatylyq depýtattar nelikten koronavırýs vaktsınasyn saldyrdy

ALMATY. QazAqparat - Almaty qalalyq qoǵamdyq densaýlyq saqtaý basqarmasynyń ókili, telemedıtsına ortalyǵynyń dırektory Laýra Myrzaǵalı onlaın brıfıng barysynda Almaty máslıhatynyń depýtattaryna koronavırýsqa qarsy vaktsına ne úshin salynǵanyn aıtyp berdi, dep habarlaıdy QazAqparat tilshisi.

Onyń aıtýynsha, búginde densaýlyq saqtaý mınıstrligi belgilep bergen adamdarǵa vaktsınatsııa jasalýda. Olar - medıtsına qyzmetkerleri, muǵalimder, áskerı jáne polıtsııa qyzmetkerleri, stýdentter, mektepke deıingi uıym qyzmetkerleri, dıspanserde esepte turǵan adamdar.

Onlaın brıfıng barysynda jýrnalıster spıkerden densaýlyq saqtaý mınıstrligi bekitken tizimge enbegen depýtattarǵa nege vaktsına salynǵanyn surady.

«Arnaıy qor bar. Málimetter bazasynda vaktsınatsııalanǵan barlyq adamdar qyzmeti boıynsha naqty sıpattalǵan. Basshylyq laýazymdaǵy adamdar qajet bolǵan jaǵdaıda vaktsına alýy kerek. Depýtattar - únemi halyqpen, medıtsına qyzmetkerlerimen jáne taǵy basqalarmen baılanysta bolatyn adamdar. Sondyqtan, arnaıy qordyń sheshimimen bul adamdarǵa vaktsına egildi. Almatyǵa bólingen doza ońdy-soldy taratylmaıdy. Munyń bári keıinirek tekseriledi», - dep jaýap berdi Laýra Myrzaǵalı.

Eske salaıyq, aqpan aıynda Almaty máslıhatynyń depýtattary koronavırýsqa qarsy vaktsına saldyrǵan bolatyn.