Tizgindi saýatty saıasatker ustaýy kerek boldy - sarapshy Tasmaǵambetovtiń jańa laýazymy týraly

ASTANA. QazAqparat – Saıasattanýshy Marat Shıbutov Imanǵalı Tasmaǵambetovtiń Ujymdyq qaýipsizdik shart uıymynyń bas hatshylyǵyna taǵaıyndalýy týraly pikir bildirdi, dep habarlaıdy QazAqparat tilshisi.

Sarapshy uıymnyń basshylyǵyna jaı ǵana áskerı adam emes, saýatty saıasatker qajet bolǵanyn aıtady.

«

Nege mundaı taǵaıyndaý boldy? Munyń 4 sebebi bar. Birinshiden, kezektilik tártibi boıynsha aldaǵy 3 jylda Qazaqstan ókili uıymnyń bas hatshysy bolýy kerek. Ekinshiden, qazir UQShU-nyń negizgi problemasy Armenııa men Ázerbaıjannyń arasyndaǵy kıkiljiń bolyp tur. Qaıta-qaıta atys bolyp, Armenııanyń el bolyp qalýyna qaýip tóne bastady. Saıası turǵydan alǵanda Armenııanyń múddesin qazaq qorǵaǵany kerek. Sonda ázerbaıjandyqtardyń ustanymy jumsaqtaý bolady

», - dep jazdy saıasattanýshy.

Sarapshy buǵan deıin uıym tizginin ustaǵan tulǵalardyń eshbirinde Imanǵalı Tasmaǵambetovtikindeı saıası tájirıbe bolmaǵanyn, onyń bir kezderi Qazaqstan Premer-Mınıstri, Prezıdent Ákimshiliginiń basshysy bolǵanyn eske salady.

«

Qazir UQShU úshin qıyn kezeń bolyp tur. Sondyqtan, hatshylyqta jaı ǵana áskerı adam emes, saýatty saıasatker bolǵany kerek. Al, tórtinshiden, Tasmaǵambetovtiń Qazaqstannyń Qorǵanys mınıstri bolǵan tájirıbesi bar jáne Reseımen baılanysy óte jaqsy. Bul baılanys Sergeı Gromovtan Ramzan Kadyrovqa deıin ketip jatyr. Bul – óte mańyzdy. Óıtkeni, Reseı – UQShU-nyń negizgi múshesi jáne úılestirýshi memleket

», - dep jazdy Marat Shıbutov.

Buǵan deıin habarlanǵanyndaı, Imanǵalı Tasmaǵambetov Ujymdyq qaýipsizdik týraly shart uıymynyń bas hatshysy laýazymyna taǵaıyndaldy.